El PP fai oficial la candidatura de Gabino de Lorenzo

"El comité electoral del PP d'Asturies alcordó por unanimidá designar al alcalde d'Uviéu, Gabino de Lorenzo, como cabeza de llista al Congresu de los diputaos por Asturies, según confirmó tres el conceyu convocáu a costafecha pa tomar esta decisión el presidente del órganu, Jaime Reinares. Reinares señaló que ta previsto hacia'l día 29 de xineru facer otru conceyu nacional y el partíu n'Asturies va esperar instrucciones pa que l'órganu asturianu vuelva aconceyar, sirmpre enantes del día 29, pa decidir el restu de la llista .

Nun principiu Reinares refugó facer declaraciones a los medios de comunicación alegando qu'existía ""una orden espresa a nivel nacional"" nesti sentíu. Sicasí, al final de la xunta decidió dar a conocer la decisión acompañáu del alcalde de Llanera, actual diputáu y miembru del comité electoral, José Avelino Sánchez. Gabino de Lorenzo va sustituyir nel cartel electoral del PP por Asturies a Alicia Castro, qu'anunció hai unos meses la so retirada de la política por motivos personales."