Asturies foi la comunidá onde menos creció la población nel 2005

Acordies colos datos del padrón por conceyos espublizaos pol Institutu Nacional d'Estadística, Asturies foi la comunidá autónoma onde hebo menos xuba poblacional nel añu 2005. D'esta miente Asturies entró nel 2006 con 261 habitantes más que nel 2005, asitiándose'l padrón en 1.076.896 personas a 1 de xineru del 2006.

La proporción d'estranxeros n'Asturies ye tamién una de les más baxes del estáu. N'Asturies hai 30.258 emigrantes empadronaos, que representen el 2,81 por cientu de la población.

Los datos del padrón pal conxuntu del estáu espeyen que n'España viven 44.708.964 personas, de les que'l 9,3 por cientu (4.144.166) son estranxeros. Nel añu 2005, la población d'España xubió en 186.878 persones, 413.556 d'elles estranxeres. Les comunidaes autónomes que tienen costa nel Mediterráneu y la comunidá autónoma de Madrid, mientres que les comunidaes del interior y del norte pierden pesu poblacional nel conxuntu del estáu.