L'Oscar devuelve a Scorssese a la cartelera

Un thriller del director Steven Soderbergh -autor de películes como
"Traffic" o "Ocean's Eleven"- ambientáu na Europa de
la posguerra ye ún de les estrenes d'esta selmana nos cines del
país. La pelicula entitúlase
"El buen
alemán" y ta asitiada nes ruines del Berlín de la
posguerra de la Segunda Guerra Mundial. Ellí, un corresponsal de guerra
del exércitu de los EE.XX., interpretáu por George Clooney, vese
envueltu nuna trama na que'l maríu desaparecíu d'una antigua
amante de so, interpretada por Cate Blanchett, ye buscáu pol
exércitu americanu y el soviéticu.

Otra de les obres que s'estrenen nes pantalles asturianes ye
"Un puente hacia
Terabhitia", una pelicula empobinada al públicu mas mozu.
Nella, dos neños interpretaos por Josh Hutcherson y Anna Sophia Robb
dedíquense a afuxir d'una realidá que nun-yos presta creando un
mundu imaxinariu. Esti mundu, qu'asitien en medio d'una biesca,
llámase Terabhitia, y va sirvi-yos a la fin pa enfrentase a los mieos y
inseguridaes de la vida cotidiana. Mas estrenes d'esta selmana na nuesa
cartelera, que reestrena tamién "Infiltrados" la obra de Martin Scorsesse que trunfó na última entrega de los Oscar.