Inaugurada l'amuesa d'artistes pola oficialidá n'Uviéu

Na tarde d'ayeri inauguróse nel Auditoriu "Príncipe Felipe" d'Uviéu la III Amuesa d'Obres d'Arte pola Oficialidá, na que participen noventa y nueve artistes asturianos que donen la so obra pa la financiación de les actividaes a favor de la llingua asturiana de la plataforma Conceyu Abiertu pola Oficialidá.

A la inauguración asistieron representantes d'organizaciones polítiques, sindicales y sociales que formen parte de la plataforma Conceyu Abiertu Pola Oficialidá, rescamplando ente ellos el conseyeru Francisco Javier García Valledor, el candidatu a conceyal pol PP d'Uviéu José Suárez Arias Cachero "Felechosa" o'l secretariu xeneral del sindicatu USO, Francisco Baragaño.
La esposición va poder visitase hasta'l 7 de marzu, día en que va facese la puya pública de los trabayos artísticos. Tolos beneficios que se llogren cola venta de les obres van dir a cubrir los costes de les campañes y iniciatives del Conceyu Abiertu Pola Oficialidá.