La petrolera Total, declarada culpable de la perda del "Erika"

"El tribunal correccional de París declaró a la petrolera Total culpable d'un ""delitu d'imprudencia"" nel naufraxu del 'Erika', que se fundió'l 12 d'avientu de 1999, énte les costes franceses vertiendo'l combustible que tresportaba y provocando una catástrofe ecolóxica ensin precedentes.

Según la sentencia pronunciada güei pol presidente del tribunal francés, Jean-Baptiste Parlos, Total nun tuvo en cuenta la edá del buque y esta imprudencia tuvo ""un papel causante"" nel naufraxu que provocó l'accidente del petroleru. La sentencia almite de manera xeneral los ""peligros inherentes al tresporte marítimu"" pero considera qu'hubo un delitu d'imprudencia porque Total nun tuvo en cuenta la edá del buque de casi 25 años, amás de la falta de continuidá na xestión técnica y el caltenimientu del mesmu. L'Erika, fletáu por total pa tresportal petroleu n'Italia, provocó una marea negra que contaminó 400 kilómetros de la costa francesa a l'altura del Golfu de Gascoña. El xuiciu escontra l'Erika ye'l primeru celebráu en Francia por una catástrofe ecolóxica."