Vezos Astures asoleya un DVD sobre'l baille na tradición asturiana

El Conceyu Cultural “Vezos Astures” y l’Archivu de la Música Tradicional del Pueblu d’Asturies van presentar nun actu que va celebrase’l xueves 17 de xineru a les 12h na sede de la SGAE n’Uviéu, el DVD “El baille na tradición asturiana” un trabayu basáu na grabación de ventiún bailles del país dirixíu pol realizador Ramón Lluís Bande y editáu por Ámbitu. El DVD inclúi un montaxe de cada baille dixebráu en tres partes, la primera una introducción con grabaciones d’archivu, la segunda una parte didáctica na que s’espliquen los pasos del baille y una tercera que ye la grabación del baille polos componentes de “Vezos Astures”.