Los ecoloxistes avilesinos aleguen contra la construcción de 900 pisos en La Madalena

El Colectivu Ecoloxista d'Avilés denunció l'impactu ambiental que va tener la construcción de 900 viviendes nueves que recueye'l plan de La Madalena.
El colectivu presentó alegaciones énte la viceconseyera de Mediu Ambiente en cuantes que ve qu'existen consecuencies negatives d'esta actuación como pue ser la canalización del ríu de La Ceba, que desapaecería con tol llerón que lu arrodia y que ye un "habitat prioritariu pa la UE" por acoyer vexetación higrófilo bien raro de ver nel norte peninsular. Por ello los ecoloxistes avilesinos piden que se caltenga'l ríu según s'alcuentra agora y que nun se canalice estrozando l'habitat que lu acompaña