De la Vega asegura que la illegalización d'ANV y PCTV "pue ocurrir en cualquier momentu"

"La vicepresidenta primera del Gobiernu, María Teresa Fernández de la Vega, aseguró güei qu'Aición Nacionalista Vasca (ANV) ta ""poles sos actuciones, más cera de la illegalización"" y aseguró qu'esti procesu ""pue ocurrir en cualquier momentu"". En declaraciones a la Cadena Ser, la vicepresidenta sostuvo que nel momentu qu'haya ""datos"" qu'apunten a qu'ANV y PCTV incumplieron la llei, va ponese ""la demanda correspondiente"".

""Hai qu'actuar con rigor, con seriedá, y acumulando nicios, datos y actuaciones que determinen que se dan les circunstancies del casu"", recalcó. Asina esplicó qu'una vez lleguen al xuez los informes solicitaos a los Cuerpos y Fuercies de Seguridá del Estáu ""va actuase, si hai elementos p'actuar, darréu"". De la Vega tamién refirióse nesti puntu a l'apertura de dilixencies per parte de la Fiscalía del Estáu escontra l'alcaldesa d'Hernani (Guipúzcoa), Marian Beitialarrangoitia, por homenaxear públicamente a los supuestos etarres Igor Portu y Martín Sarasola."