El númberu d'hectárees quemaes nel 2007, 82.027, ye'l más baxu de la década

"El númberu de superficie forestal quemao l'añu pasáu ye'l más baxu de los últimos 10 años, según el balance de provisional del Ministeriu de Mediu Ambiente a 31 d'avientu. Asina, nel 2007 ardieron 82.027,68 hectárees, casi un 40 por cientu menos que les 133.013,60 de media de los últimos 10 años. Esta cifra supón, amás, un descensu de cerca de la metada (48 por cientu) respecto a la superficie quemao nel 2006 (155.362,83 hectárees).

Asina, el porcentaxe de superficie afectada respecto al conxuntu ye d'un 0,3 por cientu, mientres que la media asítiase nel 0,5 y nel 2006 ascendió hasta'l 0,6. Pel contrario, 2000 y 2005 fueron los peores de los últimos 10 años con casi 190.000 hectárees calcinaes, mientres que los menos agresivos, amás de 2007, fueron 1999 y 2001, con 82.000 y 93.000 hectárees quemaes, respectivamente. No que se refier al pasáu añu, de les 82.027 hectárees que foron abrasaes pol fueu, 35.391 hectárees yeren bardial y monte, 33.068 correspondíen a superficie de biesca y 13.567 a prau. Tamién baxó un 90 por cientu'l númberu de grandes incendios (penriba de 500 hectárees afectaes), que pasa de 58 a 18 (mientres que la media ye de 30). Namás nel 1997 se rexistró una cifra inferior de grandes quemes, con 7.

En conxuntu, rexistráronse 10.917 siniestros, 10.000 menos que la media de la década y 6.000 menos que l'añu 2006. D'ellos, 7.771 fueron conatos (inferiores a 1 hectárea) y 3.146 consideráronse incendios (superiores o iguales a una hectárea). Respecto a la distribución xeográfica, cerca de la metada de los siniestros produxéronse nel noroeste peninsular (Galicia, Asturies, Cantabria, País Vascu y les provincies de Llión y Zamora); un 18,38 por cientu rexistráronse nel Mediterraneu; el restu comunidaes interiores sufrieron el 31,91 por cientu; y Canaries sufrió'l 1,57 por cientu. El 74,51 por cientu de la superficie arbolao n'España que se perdió l'añu pasáu correspuende a Canaries; un 12,6 por cientu al Mediterraneu; un 6,9 por cientu al noroeste, y un 5,9 por cientu a les comunidaes interiores. Finalmente, un 48,69 por cientu de la superficie forestal tamién se perdió en Canaries; un 19 por cientu, nel noroeste; un 17,71 por cientu, nel Mediterraneu, y un 14,66 por cientu, nes comunidaes interiores."