La Conseyería de cultura presenta la so axenda n'asturianu pal 2008

La Oficina de Política Llingüística tien disponible yá la so Axenda 2008. Dedicada a “El tiempu nes comunidaes rurales d’Asturies” el llibru inxerta un estudiu del antropólogu Adolfo García Martínez que fala de los llabores y les fiestes na vida de l’Asturies tradicional nel ciclu añal. Ello aparte, por supuesto, del dietariu y l’axenda que son imprescindibles nesta publicación, que presenta entesacaos colos llabores propios de cada mes nel campu asturianu, y les feries y fiestes. KRK ye la editora de l’axenda, que tien igualmente un bon estoyu de semeyes históriques.