Guirrios, sidros y zamarrones debaten en Valdesoto

"L'Asociación pola Recuperación de los Sidros y les Comedies ""El Cencerru"" entama en Valdesoto, parroquia del conceyu de Siero les Primeres Xornaes sobre Mazcaraes d'Inviernu, que van desarrollase los díes 12 y 13 de xineru.

El sábadu 12, dende les 19:00 h, nel Centru Cultural de Lliceñes (Valdesoto) los estudiosos Jesús Menéndez Pelaez, Vicente Rodríguez Hevia, Luis Manuel Iglesias Cueva, Adolfo Camilo Díaz y Luis Argüelles van falar sobre la tradición de les mazcaraes d'inviernu, abriéndose darréu un debate cola participación de los organizadores de los aguilanderos de Xedré, reises d'Ibias y los zamarrones de L.lena. El domingu 13 de xineru, dende les 12:30 hores, va facese una misa n'alcordanza de José Noval ""Siero"", autor de comedies de sidros. La representación d'obres de teatru y el descubrimientu d'una placa a José Noval na plaza de la Ilesia van zarrar los actos."