Ayer convoca'l so concursu de cartes d'amor

"El Conceyu d’Ayer presentó ayeri la convocatoria del so XI Concursu de Cartes d’Amor. El concursu centráu nesti particular xéneru epistolar tien delles novedaes nesta edición 2008, qu'enancha'l plazu de presentación d'orixinales hasta'l 15 de marzu y que reduz los premios a ún por cada categoría, que correspuenden a los testos n'asturianu y castellanu. El premiu, eso si, va ser de mayor importe económicu, con 500 euros y una estancia nel hotel rural Ca'l Xabú pa caún de los vencedores.

El llargor de los trabayos nun ha pasar d'una fueya DIN-A4 escrita per una cara, y los trabayos han presentase triplicaos xunto con un sobre zarráu, ensin identificación esterior y guardando los datos del autor o autora. Los trabayos han unviase a les señes de la Oficina d'Información Xuvenil d'Ayer, asitiada na Avenida Tartiere, 32. 33670 - Morea d'Ayer - Asturies - España, conseñando nel sobre ""Novenu concursu de cartes d'amor"". Pa cualquier dulda o consulta, la Oficina Xuvenil tien una páxina web onde puen vese cartes d'otros años amás d'una dirección de corréu electrónicu y el tlf 985 48 12 04."