El Gobiernu asturianu enfótase en que les obres del tramu Unquera-Llanes se faigan nos plazos previstos

"La conseyera d'Alministración Pública y vocera del Gobiernu, Ana Rosa Migoya, indicó ayeri en rueda prensa que l'Executivu asturianu cuenta con que les obres del tramu d'autovía Unquera-Llanes se faigan nos plazos previstos. Migoya señaló que pel momentu l'Alministración autonómica nun recibió la solicitú d'información sobre'l proyectu por parte de l'Audiencia Nacional, ""Vamos remitir la información que se mos pida"", dixo la conseyera al respecto pa garantizar l'axilidá del procesu.

Asina, explicó que'l Gobiernu del Principáu espera ""que nun se retrase una obra que ye mui necesaria y ampliamente esperada, y que por razones inxustificables dafechu tuvo ocho años paralizada demientres el Gobiernu del PP"". Migoya recordó, nesta llinia, que foi nel 2004 cuando entamaron tolos trámites ""que ya tán finando pa la salida a subasta públcia de les obres"". Los vecinos del barriu de La Mata, en Bustiu (Ribedeva) presentaron un recursu escontra'l tramu Unquera-Pendueles (d'Unquera Llanes) de l'Autovía del Cantábricu. El principáu va tener que xustificar la presencia d'un alisal, argumentu qu'usa l'Alministración pa desviar el trazáu per La Mata, col fin de conservar los árboles. Los vecinos aseguren que tal plantación nun existe."