Ad-vientu, un curtiumetraxe chinu grabáu n'Asturies y n'asturianu

Ad-Vientu ye un curtiu de la productora china Almost Red Productions que ta acabante finar el procesu de grabación

Na producción trabayaron, ente otros, los actores David Soto Giganto nel papel protagonista, Icíar Díaz, Beatriz Gutiérrez Meré, Lidia Mendez o David Blanka.

Según informó la compañía china, el curtiu ta co-producíu xunto a Arkadín Ediciones  y Producciones Viesqueswood y con un equipu técnicu formáu por Marilú Casas - AD/Script-, Javier Iglesias -Son-, Natalia Fernandez Canuto -producción, maquillaxe y peluquería-, Jose Manuel Monge -asistente de producción- entre otros.

Los esteriores d'esta producción, qu'entra agora nel so procesu de posproducción, tán grabaos en localizaciones d'Avilés y Carreño.

Almost Red Productions ye una compañía china asitiada en Chengdu especializada en producciones de cine y vídeo.

Semeya d'un momentu de la grabación xubida a les redes sociales pol actor David Blanka