El Gobiernu escueye’l camín de la prórroga presupuestaria

La enmienda a la totalidá de Podemos al presupuestu pal 2016 lleva al Executivu socialista a retirar les cuentes alcordaes con Izquierda Xunida (IX). Esta decisión obliga a prorrogar les del añu presente, que salieron alantre col apoyu del Partido Popular (PP).

La de Podemos yera la cuarta enmienda a la totalidá que recibíen les cuentes del Gobiernu tres les del PP, Foro y Ciudadanos. L’Executivu de Javier Fernández negociara con esta formación l’apoyu a les mesmes, pero finalmente nun hebo alcuerdu y Podemos decidió dar esta pasu.

La reaición del Gobiernu foi la retirada del presupuestu, asumiendo una prórroga del actual, con crítiques a la organización d’Emilio Léon pola so postura, afirmando que teníen tomada esta decisión inclusive enantes del aniciu de los alderiques. Pela so parte, Podemos, qu’abogaba por refacer les cuntes dende cero nestos díes caberos del añu, afirmaba que la FSA-PSOE prefería prorrogar el presupuetu enantes que ponese a trabayar.

Güei precisamente taba previsto’l debate sobre les cuentes na Xunta Xeneral nuna sesión na que s’aprobó por unanimidá l’autorización d’un adeudamientu de 24,5 millones de euros p’afrontar los pagos de los antivirales nuevos contra la hepatitis C. Esti Plenu tuvo marcáu pola tensión ente los diputaos del PSOE y IX colos de Podemos pol asuntu los prespuestos.

Consecuencies

La prórroga de los presupuestos trai consigos delles consecuencies. La primera ye tener que trabayar coles mesmes partíes de gastu, lo qu’enllendará enforma la capacidá de maniobra del Gobiernu. Tamién fai peligrar les oposiciones anunciaes pol Conseyeru d’Educación y Cultura pal 2016, que Genaro Alonso venceyó nel so momentu a l’aprobación de los presupuestos.