Un home mata a cuchellaes al so compañeru sentimental en Xixón

"Constantino Jesús M.V. morrió na madrugada d'ayeri llunes poles firíes provocaes por un arma blanca nuna vivienda del barriu xixonés de Tremañes. El so compañeru sentimental, R.G.S., confesóse culpable del crime y foi deteníu polos efectivos de la Policía. Los fechos tuvieron llugar sobre la medianueche del llunes anque los vecinos del inmueble nun se decataron d'ellos. La Policía investiga tovía lo ocurrío. El deteníu confesó que matara a cuchellaes al so compañeru tres d'una fuerte discusión. Dempués nun opunxo resistencia y collaboró colos funcionarios del Cuerpu Nacional de Policía.

Colectivos de defensa de los derechos civiles de los gais como l'asturianu XEGA emitieron comunicaos pidiendo que les alministraciones meyoren la so capacidá de rempuesta énte casos de violencia machista referida a pareyess del mesmu sexu. El coordinador de XEGA Tino Brugos adelantó que la so asociación va presentar un decálogu a toles candidatures asturianes nes elecciones de marzu nesti sentíu y sorrayó que ""Antes nun se conocíen estos casos porque nun se reconocíen las pareyes gais""."