Javier Fernández felicita en 14 llingües y nenguna ye l'asturiana

La tarxeta navidiega qu'unvió nun recueye l'idioma del país del que ye presidente.

La Xunta pola Defensa de la Llingua Asturiana (XDLA) llamentó esta decisión del socialista cola que Fernández torna "a aprovechar la más mínima ocasión pa despreciar, inorar y negar visibilidá a la llingua asturiana". "Namás nos queda esperar al deprimente discursu que da por Navidá a ver si saluda en chinu", ironizó la organización cívica.

La tarxeta –que se pue ver na semeya qu'acompaña esta información– tien por un parte un pequeñu mensaxe en castellanu 'Con mis mejores deseos. Feliz 2016' y, pela otra, un dibuxu de trés veles y la frase 'Felices fiestas' en dellos idiomes, nengún d'ellos cooficial nel Estáu.