Alarcos arrinca una pancarta n'asturianu

Na mañana del xueves nel campus universitariu d'El Milán, según la versión de la Xunta Estudiantil Asturiana.

Dellos testigos vieron arrancar a Miguel Alarcos una pancarta n'asturianu qu'esti coleutivu colgara nel llugar con un mensaxe favoratible al aumentu de les beques: 'Menos fartones y más beques'. "Desconocemos si'l profesor de la Universidá d'Uviéu ta en contra de que mengüe'l númberu de fartones, o si lo ta de que l'estudiantáu asturianu se beneficie de más beques. En tou casu, encamentámoslu a controlar los sos reiteraos ataques glotófobos, financiaos coles sovenciones que-y paga la clase trabayadora asturiana, y que suponen una actitú d’intolerancia haza los y les asturfalantes que nun debe permitise", apunten.

Alarcos protagonizó a finales d'ochobre un incidente desagradable al cargar contra l'asturianu tres una llectura d’un poema n’asturianu nesi idioma mientres un ‘Homenaje a los poetas de la Cátedra Emilio Alarcos’ na Universidá d’Uviéu, pa depués continuar esbabayando contra l'idioma nel grupu de Facebook, formáu por 222 persones persones nesi momentu, de nome Agrupación Emilio Allarcos Llorach ‘Pervivencia y actualidá’. El fíu del llingüista llegó a afirmar que la llingua asturiana ye “una puta mentira” de la que s’aprovechen “políticos y filólogos paletos”.