L'Anuariu de la Música repártese güei con Les Noticies

El selmanariu Les Noticies da güei 29 d'Avientu de baldre col periódicu un exemplar del Anuariu de la Música Asturiana, editáu por L'Aguañaz y qu'en 2006 algama'l so númberu más ambiciosu. L'Anuariu de la Música Asturiana ye una iniciativa que vio nel añu 2000 la so primer edición, y que d'entós p'acá nun fizo otro que medrar en calidá, estensión y variedá de conteníos. Asina, siguiendo col mesmu espíritu de convertir esta publicación en cronista añal de la música asturiana, llégase a esti 2006 con un Anuariu con maquetación nueva y 112 páxines enllenes d'artículos, reseñes, dossiers y entrevistes.