Yá ye tiempu de qu'entame la temporada de conciertos folk al aire llibre, que tuvieron el so pistoletazu de salida cola Folixa na Primavera de Mieres, y que'l próximu fin de selmana tien la so continuación cola Nueche Folk de Soto Rei que cumple en 2009 seyes años de vida.
 
Dos grupos van ser la propuesta musical de la edición d'anguaño de la sesión folk nel conceyu de Ribera. Per un llau los de casa, los asturianos Tejedor, grupu que dempués de trés discos nun posa la maleta en casa, llevando folk asturianu per Asturies y per fuera del país. El segundu platu del menú musical de Soto Rei va ser francés, concretamente de Toulouse, gracies al grupu Doolin'. Esta banda de folk son una revelación en Francia nos últimos años, praticando un estilu mui averáu al xeitu irlandés o escocés d'atalantar la música de raigañu.Los dos grupos, anque van tocar al aire llibre, van tar abellugaos, como'l públicu, por una carpa pa prever cualesquier incidencia meteorolóxica. Amás, tamién va haber un chigre col envís de fornir de comida y bebida a tol que s'avere a Soto Rei esti vienres día 29 de mayu, a eso de les 23:00 hores, que ye cuando entamará la música.