UXT y CCOO denuncien la muerte de trés trabayadores na mesma empresa nel 2006

UXT y CC.OO piden que s'investigue la muerte d'un trabayador nuna empresa que rexistró trés accidentes mortales nel 2006

Les centrales sindicales CC.OO y UXT esixeron a la empresa "El Caleyo" una investigación de les causes del accidente que causó la muerte d'un trabayador el pasáu día 21 nes sos instalaciones de San Cloyo n'Uviéu.

Los sindicatos esixeron tamién a fiscalía que faiga más controles en viendo como se repiten estos acidentes nes mesmes empreses, y ello ye que "El Caleyo" rexistró trés accidentes mortales nesti 2006.

La secretaria de Salú Llaboral d'UXT Asturies, Ana Antón, denunció les carencies que se dan n'Asturies en materia de prevención de riesgos llaborales y apurrió datos pa demostrar les sos afirmaciones: 700 accidentes más que nel 2005 y un 22,7% más de muertes nel trabayu. La responsable d'UXT sorrayó la responsabilidá nello de la Inspección de trabayu y fizo un llamáu al cumplimientu de la normativa por parte de les empreses. Pela parte de CCOO, el so secretariu de salú Jeremías Dos Santos esplicó que, dende esta central sindical, detéctase que los trabayadores asturianos tán nuna situación de productividá na que manda'l trabayu mui rápidu pa cumplir unos plazos mui curtios", dalgo que lleva a que se den estos índices de mortalidá.