Nuevu llibru sobre les ofrendes de ramos n'Asturies

Los investigadores Herminia Menéndez y Eduardo Quintana, autores de trabayos d'investigación como "La indumentaria Popular en la Ribera del Sella" son los autores del llibru "Las ofrendas de ramos en Asturias" qu'edita'l Museu del Pueblu d'Asturies y que tien una tirada de 700 exemplares.

La obra ye una de les primeres que trata esti xéneru tradicional del folclore asturianu rellacionáu col ciclu de agrícola y qu'entovía nel sieglu XXI goza de gran salú y vitalidá. El llibru inxerta un CD con cantares d'ofrendes de ramu d'estremaos llugares d'Asturies y cuenta con un entamu escritu pol investigador José Manuel Fraile Gil, que fizo les grabaciones del CD xunto con Fernando Ornosa y con un pieslle de Yolanda Cerra Bada, autora del llibru de 1991 "Bailes y danzas tradicionales de Asturias".