Un corte del serviciu de Telecable dañó a Asturies.com

Más de 120.000 clientes de la compañía Telecable sufrieron esti llunes pela nueche un corte nel serviciu por causa d’un fallu eléctricu nos servidores de la empresa asturiana de telecomunicaciones. L’avería obligó a los técnicos de Telecable a un procesu mui lentu y abegosu pa volver a prender les máquines y recuperar el serviciu. El corte, del que la rede de Telecable nun se recuperó dafechu hasta esta madrugada, y que dexó ensin TV nin accesu a internet a miles d’usuarios, afectó puntualmente a lo llargo de la tarde d’esti martes a los servidores onde s’agospia Asturies.com, causando la desapaición temporal del portal de la rede. Llamentamos les molesties qu’ello pudiere causar a los nuestros llectores.