Andecha Astur va denunciar el llibru "Construyendo Asturies" nos tribunales

La formación nacionalista Andecha Astur dio anuncia ayeri de que va presentar denuncies nos xulgaos d'Uviéu, Xixón y Avilés pola publicación "Construyendo Asturies - Una visión rexonal del sieglu XXI" llibru que recueye les actuaciones del Gobiernu del Principáu d'Asturies. Esta obra que, en seyes volúmenes estremaos por zones xeográfiques, llegó estos díes a los buzones de miles d'asturianos, abúlta-y a Andecha Astur que pue ser constitutiva de delitu.

Malversación de fondos públicos, tráficu d'influencies, coacciones y cohechu son los delitos qu'Andecha Astur camienta que pue haber tres d'esta obra ensin autores conocíos que fai una llectura trunfalista de les acciones del gobiernu asturianu a lo llargo de 160 fueyes. La organización nacionalista cree que les empreses constructores que s'anuncien na obra pudieron repercutir el coste de los sos anuncios nel llibru nes obres públiques que lleven alantre, ello amás de la esistencia de presuntes promeses a los autores de la publicación de futures alxudicaciones d'obres y otros beneficios que pudieren arreyase a la obra editorial. Andecha Astur ta preparando tamién una demanda civil por posible violación de la Llei de Publicidá Institucional.