Areces diz en Rodiezmo qu'Asturies aspira a la converxencia dafechu con Europa

El socialismu asturianu asistió ayeri masivamente a la tradicional fiesta de Rodiezmo, celebración que dende va 27 años entama’l sindicatu de la minería Soma-UXT nesti pueblu de Lleón y a la qu’acudieron el Presidente asturianu Vicente Álvarez Areces y el Presidente del Gobiernu José Luis Rodríguez Zapatero, amás del dirixente del SOMA José Ángel Fernández Villa. La intervención del presidente español centróse en dar anuncia d’una xuba nes pensiones mínimes que calificó como “la mayor de tola historia democrática d’España”. Pela so parte, el Presidente Areces refirióse a les obres entamaes con cargu a los fondos mineros y prometió que va rescatase’l portalgu de l’autopista del Val.le Güerna. Areces fizo un retratu en clave optimista de la situación asturiana, que dixo que ta “llibre de la pesda llábana de de la reconversión y aspirando a la plena converxencia de renta cola Unión Europea”. Areces aseguró qu’Asturies vive “ún de los meyores momentos económicos, políticos y sociales dende va décades”.