El Bloque por Asturies va celebrar en solitario’l 8 de setiembre na Pola L.lena

Les organizaciones asturianistes y nacionalistes van zarrando los sos programes d'actos pal 8 de setiembre. El Bloque por Asturies, qu'anguaño ye parte del Gobiernu asturianu en coalición con Izquierda Xunida y que va poco revolvió'l panorama políticu asturianista al presentar al so candidatu electoral pal 2007 énte la falta de negociación con IX pa repetir alcuerdu, dio anuncia de que va celebrar l'ocho de setiembre en solitario na Pola L.lena, onde tien preparáu un completu día d'actividaes pal Día de la Nación Asturiana.

Les celebraciones del Bloque por Asturies van entamar a la 1 de la tarde cola intervencion del candidatu electoral a la Xunta Xeneral del Principáu, Rafael Palacios, faciéndose darréu d'ello la presentación del candidatu local y de les mocedaes asturianistes del Bloque. Una espicha popular, con musica asturiana y deportes tradicionales va entretener la tarde pa entamar a les 7 de la tarde los conciertos musicales colos que va pesllar lacelebración y que van protagonizar grupos del conceyu de L.lena. K-nalón, Adikzion Etilika, que van presentar el so discu "heridas de mina", Ampikoyo y los Mokomitas y la banda de folk La Colla Propinde completen el cartel.