Los productores nun albidren un bon añu de mazana

L'asociación asturiana de productores de manzana pa sidra AACOMASI nun albidra una campaña curiosa pa esti 2006. A la tradicional vecería del árbol, que fai que los años pares sían de menos mazana que los impares, amiéstase la seca qu'hebo na primavera, con un mes de mayu nel que la falta d'agua perdió bien de fruta cuando la mazana taba cuayando n'arbol. Con ello,la previsión d'Aacomasi pa la campaña del 2006 asítiase ente les 6.000 y les 9.000 tonelaes, mui perbaxo de les 12.000 que se pañaron nel últimu añu par, el 2004, el primer añu nel que paecíaque se vencía la tendencia a l'alternacia de les pumaraes asturianes graciesa les nueves técniques y variedaes. La collecha de mazana va quedar, lóxicamente, a muncha distancia de les 33.000 tonelaes del 2005, un añu que tamién foi malu, contándose entós con una campaña de más de 40.000 tonelaes que la que la seca agostiega echó a perder bien de la mazana. El preciu de la mazana, de cualquier manera, va ser más altu.