Migoya afirma qu'Asturies va agospiar a más dos millones de turistes nel 2006

La Conseyera de Turismu Ana Rosa miogoya dio anuncia ayeri de que, acordies coles previsiones del so executivu y en conociendo los datos de visitantes de los primeros 6 meses del añu, Asturies va pasar nesti 2006 de los dos millones de turistes, 300.000 más que nel añu 2005.

Acordies colos datos del Institutu Nacional d'Estadística (INE) Asturies recibió nos primeros 6 meses d'esti 2006 a 737.780 turistes, contra los 595.581 d'esos mesmos 6 meses del añu 2005,lo que supón una xuba del númberu de turistes que s'agospiaron n'Asturies del 23,9%, una xuba que pa la conseyera rescampla como la más importante de tola marca turística de la "España Verde" onde la xuba del númberu de turistes, con ser curiosa, quedó nel el 11,6% de media. Amás de la xuba del númberu de turistes, Migoya llamó l'atención sobre la xuba del tiempu mediu de la estancia n'Asturies.

La Conseyera, que dio estes cifres nel marcu de la Feria de Muestres d'Asturies, tamién adelantó la presentación d'una campaña para promocionar el turismu interior n'Asturies baxo'l lema "Asturias, tu casa" na que van participar dellos deportistes asturianos como'l piragüista campeón del mundu Manuel Busto, la montañera Rosa Fernández y los pilotos de coches Javier Villa y Alberto Hevia.