Fuerces de la izquierda asturiana condenen los ataques d'Israel a Líbano y Gaza

La intervención militar israelina nel Líbano y en Gaza ta llevantando la refuga de les fuerces mayoritaries de la izquierda política y sindical n'Asturies. PSOE, IX, Bloque por Asturies y los sindicatos CC OO y UGT son les fuerces qu'hasta agora emitieron asitiamientos y comunicaos contra l'ataque d'Israel sobre Gaza y el so estáu vecín na so guerra contra Hezbolá. Toles fuerces llamen a participar nuna concentración de protesta na plaza'l Parchís de Xixón esti xueves 3 d'agostu a les 8 de la tarde.

El Bloque por Asturies ye la fuerza que va más allá nes sos crítiques y condenes énte la situación nel oriente mediterráneu, calificando de "actitú inmoral y hipócrita la d'unes Naciones Uníes que nun son a condenar l'asesinatu de neños y neñes inocentes en Líbano y Palestina" calificando lasituación de "xenocidiu". Pal BA, que tamién llama a participar na concentración del xueves y que pide una condena internacional al estáu d'Israel la inoperancia de la ONU ye tan grande que l'organismu "nun ye nin a condenar el crimen que se cometió contra los sos observadores".