Ana Rosa Migoya diz qu'Asturies tien "la costa meyor conservada d'España"

La portavoz del Gobiernu y conseyera de Cultura Ana Rosa Migoya declaró ayeri qu'Asturies tien la costa meyor conservada de tola Península", una afirmacion cola que retrucó al informe de l'asociación Greenpeace "Destrucción a toda costa" nel que se denuncia la xuba de la presión constructiva sobre lla costa asturiana.

Pa Migoya, el qu'Asturies tenga la meyor costa d'España débese a "les lleis y la normativa mediuambiental que lleva alantre'l gobiernu". Migoya dixo que l'informe de Greenpeace "certifica dalgo que yá sabíemos" y énte la esistencia nel mesmu de 12 puntos negros urbanísticos aseguró que'l gobiernu asturianu yera consciente de la esistencia de "puntos sensibles" énte los qu'había que tar sollertes. De cualquier manera , Migoya declaró que'l Gobiernu asturianu quedaba "cola llectura en positivo" del informe y refugó qu'esistieren casos de corrupción urgbanística, como s'asegura nel documentu de la organización ecoloxista.. Migoya afitó la validez de la llexislación asturiana nesti sentíu como preséu que "llogró frenar la presión urbanística".