El Parlamentu Européu va almitir escritos nes llingües oficiales d'España

La mesa del Parlamentu Européu, entornando la negativa que diere de mano, aprobó ayeri l'emplegu del gallegu, euskera y catalán/valencianu nes comunicaciones escrites de los ciudadanos. El votu de calidá del presidente del Parlamentu Européu, el socialista Josep Borrell, foi determinante par que se tomare la decisión, en cuantes que siete miembros de la Mesa votaren al favor y otros siete, los del PP Européu, votaron en contra.

La decisión respuende a una demanda del Gobiernu español y va permitir a los ciudadanos unviar cartes y recibir rempuesta de la institución nestes llingües cooficiales, mientres que, na web del Parlamentu, un enllaz va mandar pa contra una páxina española na que van poder alcontrase tornaos a estes llingües los documentos más importantes