Más de 60 asturianos pierden puntos nel primer día

El balance del primer día del carné por puntos n’Asturies yá se conoz. Un total de 61 asturianos perdieren 250 puntos nuna xornada na que’l positivu n’alcoholemia foi la sanción más puesta (32 multes). Nun llevar el cinchu de seguranza valió-yos la reducción de puntos a 10 persones, mentes que nun respetar un semáforu o stop o conducir temeraria o neglixentemente foron otres de les sanciones reportaes.

Namás una persona foi sancionada por falar col móvil en coche.
Per otru llau d’ente toles persones sancionaes 55 foron homes y 6 muyeres. Namás hebo ente les 61 infracciones una cometida por un menor de 25 años.