IX fai un apueste por Jesús Iglesias como candidatu nel 2007 cola intención de repetir pautu cola FSA

La comisión executiva d'Izquierda Xunida propunxo ayeri al coordinador de la formación Jesús Iglesias como candidatu de la coalición a la Presidencia d'Asturies nes elecciones del 2007. Anque la propuesta entovía tien d'aprobala un conseyu políticu que ta por facese, ello entorna'l cartel electoral más previsible d'IX, que pierde como cabeza de llista al actual conseyeru de Xusticia Francisco Javier García Valledor, que pasa a ser el númberu dos de la llista. La nota na qu'IX da anuncia de la propuesta d'Iglesias como candidatu esplica que "la comisión executiva valoró mui positivamente'l llabor de los representantes institucionales d'IX dientro del gobiernu y nel grupu parlamentariu" polo que se propón a Javier García Valledor como l'encontu na llista al candidatu a la Presidencia.

La comisión executiva d'Izquierda Xunida dio esta mañana una rueda de prensa na qu'aclarió que Valledor diba ocupar la segunda plaza na lilsta electoral, siendo la tercera pa Noemí Martín. Los responsables d'IX esplicaron que la llista electoral va ellaborase en función a repetir pautu cola FSA-PSOE tres de les elecciones de mayu del 2007.