Los críticos con Ovidio Sánchez dicen que tan llantándose los pegoyos pa otra derrota del PP

La plataforma que defende l’apueste pol diputáu popular Juan Morales Sánchez como candidatu a la presidencia d’Asturies poles files del PP calificó la elección d’Ovidio Sánchez como candidatu de “espectáculu de cara a la opinión publica” y de paripé pa xustificar el repartu d’unos puestos na llista". Los críticos dieron anuncia de que van siguir presentando énte la opinión pública asturiana les cerca d’ocho mil firmes qu’atroparon a favor de la candidatura de Juan Morales y que la dirección del PP “despreció”, al empar qu’albidren que’l fechu de que’l PP vaya con Ovidio Sánchez de candidatu supón llantar los pegoyos d’otra derrota electoral, una derrota qu’amás aporfien que la dirección del partíu nun va tener valor p’asumir en cuantes se produza porque “lo único que-yos interesa ye tenese nel puestu”