El club de fútbol de L'Entregu, premiu Andrés Solar

"La organización Xunta Pola Defensa de la Llingua dio anuncia esta selmana del veredictu del xuráu de los Premios Andrés Solar, que tolos años premien y castiguen a les persones y instituciones que más fexeren a favor y en contra del idioma asturianu. El xuráu nombráu pola organización decidió’l pasáu miércoles 26 d’avientu otorgar el Pegollu de la edición 2007 del premiu al equipu de fútbol L’Entregu C.F. del que se destaca ""la so aportación a la visualización y normalización de la llingua asturiana nel ámbitu del deporte"". Asinamesmo’l xuráu valoró mui positivamente ""la voluntá firme del equipu na defensa del nome verdaderu del so llugar, L’Entregu, y la so difusión en tou tipu de medios deportivos y xeneralistes"".

D’otra banda, decidióse entregar la versión negativa d’esta XXIII edición de los Premios Andrés Solar, la ""Madreña Purpurina"", al secretariu xeneral de la FSA-PSOE Javier Fernández Fernández. El xuráu destaca nel merecedor del antipremiu la so trayectoria d’ataque y exhibición de prexuicios contra la llingua asturiana y contra los derechos llingüísticos de los asturianos y asturianes.

La ceremonia d’entrega de premios va facese’l prósimu sábadu 19 de xineru, a partir de les siete de la tarde, nel Salón d’Actos del Antiguu Institutu Xovellanos de Xixón. Nos prósimos díes, van dase a conocer les intervenciones y actuaciones qu’acompañarán a la ceremonia asina como de la espicha que, como cada añu, va facese al acabu del actu."