Sigue la polémica nel sen de los comunistes asturianos

Dempués del últimu congresu del Partíu Comunista d'Asturies, sigue la llucha interna ente la dirección de la organización y el sector críticu cola llegalidá del procesu congresual nel que salió vuelta a escoyer como secretaria de la organización Noemí Martín como campu d'enfrentamientu.

Ello ye que'l comité federal del PCE decidió esti vienres declarar nulu'l congresu del PCA que se celebró'l 25 de marzu, dándo-y un plazu de trenta díes al PCA pa repetir el procesu y acusando al equipu directivu de los comunistes asturianos d'emplegar indebidamente la so autoridá. La dirección del PCE, enfrentada políticamente de va tiempu cola directiva del PCA, votó tamién un resolución en sofitu a la persona de Francisco Asís, Director Xeneral de Seguridá Pública cesáu nel so puestu por tar nes files del sector críticu a la dirección del PC asturianu. La dirección de los comunistes asturianos nieguen les irregularidaes que declara'l Comité Federal y afirmen que nun cabe facer otru congresu.