La situación de la lliteratura asturiana, a debate en Llangréu

El Conceyu de Llangréu, dientro de los actos que se celebren con motivu del Día Mundial del Llibru y qu'incluyen la visita al conceyu esti llunes de la escritora y directora de la Biblioteca Nacional Rosa Regás, tien preparada pa mañana martes 25 d'abril una mesa redonda con escritores y editores que trabayen la lliteratura n'asturianu. Nesti debate, que va entamar a les 19:30h na Casa de Cultura de La Felguera, va falase con enfotu críticu, sobre'l presente y futuru de la lliteratura nes lletres del país, centrándose especialmente nes sos posibilidaes de proyección social, númberu de ventes y l'analís de la distribución editorial. Pa ello va contase cola presencia de los escritores Xurde Álvarez, Arancha Prado García-Jove, Pablo Antón Marín Estrada y los editores Baristo Lorenzo, responsable d'Editora del Norte, y Henrique Facuriella, en representación d'Ediciones Ámbitu. El coloquiu va moderalu'l tamién escritor y periodista de Radio Llangréu Naciu Varillas.