Siguen les actividaes “Xunta d’Escritores Asturianos”

L’alcuentru lliterariu “Xunta d’Escritores asturianos” celebra esti xueves n’Uviéu la so segunda xornada, que va entamar a les 17,30h cola presentación del llibru infantil “Lías, apendiz de contador d´hestories” de Xuan Carlos Crespos Lanchas. Tres d’esta presentacion va facese a les 18h una conferencia a cargu del espertu Xosé Lluis Campal sobre “Preocupaciones humanistes na poesía de Carlos García Velasco (1973-1975). El conocíu periodista y divulgador Xurde Morán va falar a les 18,30h sobre los sos “Diez años caleyando Asturies” al traviés d’artículos en prensa y programes de TV, mientres que l’escritor Xaviel Vilareyo va dar a les 7 la conferencia “Llingua y hestoria del Fueru de Zamora”. La xornada inclúi otra presentación de llibros, nesta ocasión pa la escritora Esther García López, que va falar de les sos dos últimes novedaes editoriales “Historias de vida ya señas de muerte” y “Faraguyas”, ello cola intervención de Cristian Velasco. Pa echar el piesllu, va facese un recital poéticu coles voces de Xurde Fernández, Llucía Fernández Marqués, Chechu García, Elvira Laruelo, Marisa López Diz, Pablo Rodriguez Alonso, Pablo Rodríguez Medina, Xuan Santori, Susana Sela y Xaviel Vilareyo. Tolos actos van celebrase na Biblioteaca del Campu San Francisco d’Uviéu.