Organizaciones de Derechos Humanos falen de más de 300 víctimes mortales en Kenia

Más de 300 persones morrieron nos episodios de violencia en Kenia tres la celebración de les elecciones presidenciales el pasáu xueves, según declararon güei nun comunicáu conxuntu organizaciones locales y internacionales de Derechos Humanos. "Basándonos en diferentes fontes independientes, más de 300 persones morrieron dende les elecciones del 27 d'avientu del 2007", esplicaron la Comisión de Derechos Humanos de Kenia y la Federación Internacional polos Derechos Humanos. Los crímenes entamaron tres de les elecciones presidenciales, nes que salió escoyíu Kwai Kibaki. Los partidarios del candidatu perdedor, Raila Odinga, que llevaba delantera nes encuestes, nun reconocieron el resultáu, entamando una fola de violencia contra miembros de la etnia Kikuyu, a la que pertenez Kibaki. El principal mieu qu'existe agora en Kenia, país que fuera hasta va poco ún de los más estables del África, ye que la situación dexenere nuna guerra civil. Turistes y personal estranxeru tán abandonando'l país, al que nun s'encamienta viaxar dende distintos organismos internacionales.