Avances nel espediente toponímicu de Noreña

El Conceyu de Noreña tien disponible na so web oficial la propuesta d'oficialización de Topónimos del Conceyu ellaborada pola Xunta de Toponimia d'Asturies. Esta llista, que va tar espuesta hasta'l 21 d'abril del 2006, queda agora a trámite d'esposición pública énte los vecinos de Noreña, que puen formular les alegaciones y observaciones que-yos abulten precises.

El conceyu de Noreña sigue asina avanzando pasín ente pasu nel so procesu de recuperación de la toponimia al empar que lo fai la Xunta de Toponimia, que ta trabayando intensivamente nel espediente del Conceyu de Siero, ello mientres qu'el Conseyu de Gobiernu, órganu encargáu de da-yos el preste definitivu a los topónimos del país, tampoco trató nengún espediente toponímicu nuevu na so sesión d'esti xueves 6, ello cuando tien presentaos dende primeros del mes de xineru, los espedientes de Nava y La Ribera.