El CAO celebra esti vienres un festival nel Teatru Filarmónica

La plataforma Conceyu Abiertu Pola Oficialidá dio esta mañana una rueda de prensa n'Uviéu pa presentar l'actu reivindicativu que va celebrase esti vienres en Teatru Filarmónica d'Uviéu dientro de la so campaña a favor del reconocimientu de la oficialidá nel estatutu d'autonomía, ello nun mes d'abril en que tien d'entamar el procesu políticu dientro de la Xunta Xeneral del Principáu pa llevar alantre la reforma.

El festival, que va tener llugar nel Teatru Filarmónica d'Uviéu va entamar esti vienres 7 d'abril a les 19:30 de la tarde. Nelli, amás de los discursos y mensaxes reivindicativos que van dar los portavoces de la organización, va contase coles actuaciones de de dellos artistes asturianos como la cantante de tonada Anabel Santiago, el cantautor Toli Morilla, el gaiteru Xuacu Amieva y el grupu de folk Felpeyu.

Les entraes pa esti actu del tán disponibles nel quioscu del Escorialín y nel Teatru Campoamor hasta la tarde del mesmu día 7, que van tar yá namás nel ventanu del teatru Filarmónica.