Bloque por Asturies pide a Areces qu'incorpore la demanda gallega de financiación de gastos pola llingua propia

Dende esti miércoles 2 y hasta'l vienres 4 de xineru del 2008 celébrase n'Uviéu la II Xunta d'Escritores Asturianos". "Lliteratura asturiana y compromisu" ye'l lema d'esta edición d'esti alcuentru que va desarrollase na Biblioteca del Campu San Francisco d'Uviéu.

Les conferencies, presentaciones de llibros y debates entamen a les cinco de la tarde cola presentación del llibru "El conceptu xeneracional. Actes de la Xunta d'Escritores Asturianos 2005" nel que se recueyen les conferencies y comunicaciones de los participantes na Xunta anterior. La xornada va siguir coles charres "El compromisu del escritor asturianu más p´allá de lo estético" a cargu de Carlos Rubiera, mientres que dende les 6 va presentase'l llibru "Perreríes" de Pablo Rodríguez Medina presentáu pola editora Silvia Cosío, de Suburbia. Xaviel Vilareyo va falar dende les 18:30h de "Cine asturianu: una hestoria de cien años", y a les 19:00h l'especialista en temes de naturaleza Bertu Ordiales ofrez la charra "Toponimia d´orixe botánicu n´Asturies". La escritora Helena Trexu va falar dende les " 19,30 de "Compromisu de xente ensin papeles" y la xornada va echar el piesllu a les 20h cola Presentación del llibru "Mitos de Xixón", de Bertu Alvarez Peña cola presencia del editor Milio R. Cueto.