El Peñatu va estrenar la rede de centros de la prehistoria del oriente

El centru d'interpretación del Peñatu, en Vidiago (Llanes) va ser el primeru de los 13 equipamientos previstos nel Plan de la Prehistoria del Oriente d'Asturies, que va echar a andar últimos del mes de mayu o primeros de xunu, según dio anuncia la conseyera de Cultura, Turismu y Comunicación Social, Ana Rosa Migoya.

El plan inclúi trece equipamientos, caún nún conceyu del oriente, y asina'l centru d'interpretación de la fauna glaciar n'Onís va ser el segundu n'abrir dientro d'esta rede que va tener el noyu nel futuru muséu en Ribeseya de la cueva del Pozu'l Ramu o "Tito Bustillo" n'alcordanza a ún de los sos descubridores.

Los centros del Peñatu y d'Avín, nos que van enseñase los restos d'un rinoceronte son los primeros de una lista na que s'inxerten l'Aula del hábitat rupestre d'Amieva, la Casa de los pintores de cueves en Cabrales, el Campamentu de pescadores de la Prehistoria, de Cangues d'Onís, el Centru de la cultura castreña de los Picos d'Europa en Caravia, el Muséu del Seya en Parres; el Centru d'interpretación de la biesca antiguo de Ponga y l'Aula de la cueva del Pindal, en Ribedeva. El presupuestu del plan allégase a los 20 millones d'euros.