Gabriel Santullano fai estoyu de la prensa antifranquista asturiana

Esti martes, 21 de marzu va presentase a les 19:30 hores nel local social del Atenéu Obreru de Xixón, asitiáu na Cai Cuadonga, 7 - 1º izquierda, la obra "Prensa clandestina en Asturias" un llibru qu'asoleya la casa KRK y del que ye autor Gabriel Santullano.

Nelli, a lo llargo de les sos más de 500 páxines, faise estoyu y rellatu de la evolución de les publicaciones que, de manera illegal y esmuciendo la censura de la dictadura, s'asoleyaron n'Asturies ente los años 1937 y 1975. L'actu va contar cola intervención de Francisco Prado Alberdi, presidente de la Fundación Juan Muñiz Zapico de CC.OO. d'Asturies, Pedro Alberto Marcos, delegáu territorial de RTVE n'Asturies, y del autor de la obra.

Nacíu n'Uviéu nel añu 1941, Gabriel Santullano ye autor de bien de trabayos sobre la prensa n'Asturies, el movimientu obreru, una intersante obra sobre la historia de la minería, sobre la oposición al franquismu y la reacción absolutista del 1823.