Toli Morilla, Felpeyu y La Bandina participen en 'Xixón fala n'asturianu', el domingu nel Xovellanos

El teatro Xovellanos va acoyer esti domingu, a les 21.00 hores, el primer alcuentru 'Xixón fala n'asturianu', nel que van participar artistes y grupos asturianos como Toli Morilla, Felpeyu, La Bandina y Llorián García. L'eventu, que va presentar l'artista Toño Camaño, va contar cola actuación de Silvino Torre y Cellero, dientro del Nuevu Monólogu Astur.

L'actuación foi presentada güei en rueda prensa nel Ayuntamientu, polos asesores de la tercer teniente alcalde, Carmen Rúa, y Roberto Colunga. La primera destacó que "son persones mui bones dientro del folclor asturianu", mientres que'l segundu esplicó que l'oxetivu ye dar a conocer los derechos que tienen los ciudadanos de poder usar la llingua.

De la mesma manera, la entrada ye de baldre, y pue recoyese yá nel teatru. Tamién hai dos autobuses, ún na llinia 12, que percuerre Xixón, nos que se publicita l'actu. Tanto Colunga como Rúa animaron a los ciudadanos a dir al eventu.