El Principáu emite favorablemente l'Autorización Ambiental Integrada de l'ampliación de la Papelera de Navia

El Boletín Oficial del Principáu d'Asturies (BOPA) publica güei la resolución del 10 d'avientu del 2008, de la Conseyería de Mediu Ambiente, Ordenación del Territoriu y Infraestructures, pola que se formula la declaración d'impautu ambiental y s'otorga autorización ambiental integrada al proyeutu d'ampliación de la Fábrica de Producción de Celulosa Blanquiada, promovida pola empresa Celuloses d'Asturies SA (Ceasa-Ence), en Navia.

La resolución, firmada pol Conseyeru d'Ordenación del Territoriu y Infraestructures, Francisco Gonález Buendía, formula como "favorable" la Declaración d'Impautu Ambiente del proyeutu d'ampliación de la fábrica de producción de celulosa blanquiada promovida pola empresa Celuloses d'Asturies SA, con una serie de condicionnantes desarrollaos na propia resolución.

La empresa Ceasa presentó'l 3 d'avientu del 2007 ante la Conseyería de Mediu Ambiente y Desarrollu Rural, la solicitú pa la Evaluación del Impautu Ambiental y la concesión de l'Autorización Ambiental Integrada d'una modificación de la instalación, consistente na ampliación de la capacidá de producción a 550.000 tonelaes de celulosa seca al aire, na fábrica de producción de celulosa blanquiada d'Armental, nel conceyu de Navia.

L'espediente sometióse a información pública, mediante la inclusión d'un anunciu nel BOPA de fecha 5 de febereru del 2008, demientres el plazu de 30 díes. Acabáu'l periodu d'información pública, unvióse al Conceyu de Navia una copia del espediente solicitando l'informe preceutivu sobre la adautación de la instalación a toos aquellos aspeutos de competencia municipal. L'Ayuntamientu de Navia nun emitió l'informe correspondiente, según la resolución publicada güei.

Una vez incorporaos al espediente los informes téunicos d'esta Conseyería de Mediu Ambiente y Desarrollu Rural, en materia d'impautu ambiental, calidá del aire, calidá del agua, residuos y ruiu, se procedió a realizar una Evaluación Ambiental del proyeutu nel so conxuntu, de la qu'informó favorablmente la Comisión d'Asuntos Medioambientales d'Asturies, el 18 de xunetu del 2008.

Según la resolución, el 22 de xunetu del 2008 se procedió a dar trámite d'audiencia a los interesaos: Celuloses d'Asturies SA, Ayuntamientu de Navia y Coordinador Ecoloxista d'Asturies. Dientro d'esi trámite, según el testu publicáu nel BOPA, únicamente se recibió contestación en fecha 6 d'agostu del 2008, del titular de la instalación, conteniendo una serie d'alegaciones que dempués en fecha 17 d'ochobre fueron completaes.

Según el Principáu, les observaciones formulaes fueron "analizaes" y tomaos en consideranza los Servicios téunicos del Órganu ambiental del Principáu d'Asturies, dando llugar a los condicionamientos y prescripciones que, en cumplimientu de la normativa sectorial aplicable, s'incluyen na resolución aprobada güei.