La epidemia de gripe estabilízase n'Asturies con una afeición que supera los 6.000 casos

Nel periodu de vixilancia de la selmana 53 del añu 2008, duodécima de vixilancia de la temporada 2008-2009 (del 21 al 27 d'avientu), la epidemia de gripe s'estabiliza nel Principáu d'Asturies con una incidencia que supera los 6.000 casos.

De la mesma manera, según informó l'Alministración autonómica en nota prensa, se declararon na rede centinela asturiana 52 casos de gripe, lo qu'eleva la tasa d'incidencia a 600 casos por 100.000 habitantes colo que s'estabilizó con respecto a la selmana previa, "como correspuende a la fase epidémica ascendente que llueu caltién una zona de meseta y que s'observa nes últimes temporaes".

El datu vuelve ser paradóxicu sobre la selmana anterior, según el Principáu, puesto que "con menos casos hai mayor tasa, esto débese a que dichos casos se vieron en sólo tres díes llaborales y con menor númberu de mélicos".

Por árees sanitaries, los casos d'esta selmana distribúyense en toles árees, incluyida ya nel Área VI (Les Arriondes). Por grupu d'edá, son los neños de cero a cuatro años los que representen tases más elevaes, como ye habitual, anque los adultos de 15 a 64 años tmaién superen "ampliamente" la llende.

Sobre la selmana previa, descendió la tasa en población infantil y la epidemia se centra na población adulta, en concreto onde más aumentó ye na población mayor de 65 años d'edá, los cuales hasta agora teníen una escasa incidencia acumulada de gripe estacional, apuntó'l Gobiernu asturianu.

Nel cuadru clínicu de los casos notificaos, la presentación de la gripe ye l'habitual con fiebre elevada, malestar xeneral, apaición súbita, artromialxes, escalofríos y tos. Nel tres por cientu de los casos d'esta selana se rexistraron otitis como complicación al diagnósticu.

Nel acumuláu de casos de la temporada, la incidencia por sexu ye un 53 por cientu superior n'homes. El 3,5 por cientu del acumuláu de casos taba vacunáu nesta temporada. El 20 por cientu del acumuláu de los casos n'edá llaboral fueron daos de baxa.

De la mesma manera, s'aisllaron yá 74 virus gripales n'Asturies no que va de temporada. Hasta la selmana 46, tolos aisllamientos d'esta temporada fueron realizaos en muestres clíniques de neños y neñes. Sin embargu, nestes últimes selmanes fueron aumentando los aisllamientos en persones adultes, significando la salida del virus gripal gripal del reservoriu habitual na población infantil.

Nes muestres de la selmana 53, hasta agora, nun se detectó nengún virus gripal, si bien sólo pudieron analizase les muestres el llunes pasáu, polo que ye posible que s'alcuentren aisllamientos en diches muestres. En cambiu siguen mui vitales nesta selmana los VSR, circunstancia no habitual nel patrón de comportamientu de los mesmos. Nel periodu de vixilancia Inter-epidémica s'aisllaren dos virus gripales B na selmana 26, tipificándose una correspondiente a una neña de seis meses como B/Ohio/2006.