La cultura audiovisual asturiana, a debate n’Uviéu

El Club Prensa Asturiana d'Uviéu, asitiáu na Cai Calvo Sotelo de la capital asturiana, va acoyer a les ocho de la tarde d'esti miércoles 8 de febreru un debate nel que baxo'l títulu "La cultura audiovisual asturiana: presente y futuru" van participar los ponentes Xosé Fernández "Ambás" músicu y investigador etnográficu, el director y organizador de certámenes cinematográficos Jorge Rivero y el director de Política Llingüística Ramón d'Andrés. El debate va acompañase de la proyección del documental "Suena'l camín".