Mal empiezu del 2009 pal Sporting

L'Sporting entamó esti 2009 perdiendo en tierra malagueño. Y ye que'l resultáu nun podía ser otru nun equipu que nun supo xugar al fútbol y que firmó ún de los peores partíos dende que volvió a primera división énte un rival que con pocu xuegu foi quien a quedar colos tres puntos. Con esta derrota los asturianos asitien nel puestu decimusegundu con ventiún puntos.

Poca historia tuvo esti partíu bien poco vistosu y nel qu'un error grave, en primer llugar de marcaxe defensivu, y en segundu d'un porteru que quedó aparáu, permitió adelantase a los andaluces gracies a un remate de cabeza de Lolo, que taba llibre de marca, tres un saque de corner, nel minutu 34 de la primera parte. A partir d'esi momentu y hasta el final, los asturianos intentaron empatar nun querer y nun poder continuo. Depués esti partíu la conclusión inmediata ye que, tres la lesión de Cuéllar, urxe la llegada d'un porteru de garanties pal equipu asturianu.

Málaga CF: Goitia; Gámez, Weligton, Hélder Rosario, Nacho; Eliseu, Lolo, Apoño, Duda (Calleja, m.83), Adrián (Luque, m.87) y Baha (Miguel Angel, m.90).

Sporting: Sergio Sánchez; Cámara, Gerard, Jorge, Canella; Pedro (Morán m.67), Maldonado (Barral, m.46), Lora, Diego Castro (Omar, m.67); Míchel y Bilic.

Goles: 1-0, m.34: Lolo. Árbitru: Iturralde González. Sacó-yos tarxeta amariella al malaguista Lolo (m.82), y a los xugadores del Sporting Canella (m. 24), Barral (m. 78) y Lora (m. 83).