Skama La Rede, ganador nel concursu al meyor cantar n’Asturies.com

El cantar "Internacionalista" del grupu Skama La Rede foi'l que recibió más votos del públicu nel Conceyu Abiertu que remató ayeri y nel que los llectores d'Asturies.com decidíen el que pa ellos fuere'l meyor cantar n'asturianu del añu 2005. El cantar del grupu de la comarca del Cabu Peñes, inxertu nel so primer CD "La nuesa hestoria" superó por bien pocu marxe al segundu clasificáu "Llara" cantar del grupu Corquiéu qu'apaez nel so CD "Salia". "La Bandina" col so popular "Na Caleya" que s'inxerta nel so discu "De Romandela" foi la tercer clasificada.